شجاهه عيوني تعشك كبل لا تشوف

شجاهه عيوني تعشك كبل لا تشوف
وشجاهه تعلقت بال ما اعرفه
غريب احساسي بيك تولعت ليش
شعور بداخلي مابيه اوصفه
الكلب يهواك عاشك حد الخبال
بس عقلي عنيد يكلي اصرفه
ودخت مابين كلبي وعقلي محتار
شيقنع الكلب والعقل يصفه
واحلامي بريئه وجنهن اطفال
وعلى اذراع الخيال شلون تغفه
يا اول حبيب اختارته الروح
ويا اجمل غرام واحلى صدفه
مو مألوف حبي ادري اني وياك
بس عندي قناعه وياك اصفه
ولا شغلت زماله وجامعه وطلااب
بس شغله احساس وروح ترفه
المهم اني عشكتك وانتهه الموضوع
وبيك احساسي بارد رايد ادفه
شمعه انته وحياتي ليل يسبك ليل
نورني بحنانك قبل لا اطفه