ما تعلة بملك طبعك حلو يعليك الي صاحب نزل من صعدت احوالة
مثل عود الشلب ما يعلة وشكد ماي عكس جذع النخل يصعد بالوشالة
عاين عالاصل وتشوف حجم العود لتصدك الشمس ويغرك خيالة
اخذ من النهر ما رَجَّع الفلاح يشك صدر الجرف واعذار يلكالة
وياهم عاينت ماشوف بس الخيل وغيري على الضهور تشوف خيالة
چذبنة الاجة دلانة بالكَتال خفنة من الكتل كلنة يتراوالة
حط قطعة فحم وي جثة المكتول عود اخضر يطك لو مات كتالة
اليوصفلي النوارس حلوة بالتحنيط يضحك يانهر من هذا وامثالة
انة وروحي بدوي حاجيني عالعاكول ياجوري النزرعة واحنة رحالة
حتى علة الدمع تحسدني هاي الناس على كثر الجروح تكول هنيالة
دف اقبل نعم بس لا تصير شراع تنذم لو طحت والريح ميالة
موضوع: ما تعلة بملك طبعك حلو يعليك ... 
الخميس ديسمبر 06, 2012 3:43 am