بهاي احنه معتقدين معصومه اخت حسين
تركت اثر----- سبيْ وأسر ----
راس الذخر --- فوك السمر
فضحت حكم طاغين معصومه اخت حسين
ــــــــــــــــــــــــــــــــــــ
زينب بت علي قاموس بلواها سفينة نوح صارت بين اعداها
ابطوفان السيوف انذبح ولياها وظلت بس حرم واطفال وياها
ساريهه الصبر والمدمع الواهه تنجي اعيال اخوهه وصيه وصاها
اضحى الامر بعد الخدر نوح ودمع وجروح
صار فخر دم النحر لابن النبي المذبوح
ولراسه شبحت عين معصومه اخت حسين
ــــــــــــــــــــــــــــــــــــ
مثل عصاة موسى الغلبت السحار اصبع بت علي سيطر على الكفار
صبر ايوب راكع يم صبرهه احتار يسمعهه تنادي امدبر الاقدار
اخذ قربان نادت منا ياجبار وتقبل ياالهي عترة المختار
اهل الكساء ماتو ظماء علغبره عطشانين
غدر الملاء بعد الولاء كل اهلي مذبوحين
والهم مسه همين معصومه اخت حسين
ــــــــــــــــــــــــــــــــــــ
ابون زينب تعلم ون بنات الدوح الدمعتهه بجه حتى القلم واللوح
ابن امهه تشوفه امكطع اومذبوح وجسم حامي الظعينه اعله النهر مطروح
ظلت بس جسد والروح يمه أتنوح صرخت صوت اظلن لة سبايه انروح
فوك النهر دمعي مطر انته الاجينه اوياك
كلبي انكسر يحني الظهر علغبره شفته الواك
ماترجع الجفين معصومه اخت حسين
ــــــــــــــــــــــــــــــــــــ
ينبوع الصبر يل مانفذ مايه ابصبرهه والاباء تتوضح الغايه
حزينه اتظم دمعهه وتحتمل هايه للعز والكرامه زينب الايه
لآ يفرح حقود ايكول شكايه من حسين اخوهه ماخذه اوصايه
اوصى لها يوم الوغى ياغرة الوجدان
احزانها تبقى خفاء لاتشمت العدوان
وبسكته من تبجين معصومه اخت حسين
ــــــــــــــــــــــــــــــــــــ
لوجل الظلام اونامت الاطفال يتفجر دمعهه اوتذكر الاهوال
تكول الينعه واحد واضح الينكال يحتار الفكد سبعين كلهه ابطال
يبجيهه البجي من تذكر المهوال التكفلهه ابحميته وترسل المرسال
روح ودمع ماينكطع يم الجفوف تلوج
جودك نبع نوره يشع والروجه تتبع روج
صار الكلب نصين معصومه اخت حسين
ــــــــــــــــــــــــــــــــــــ