لو أدري العمـــر مشوار تكضي ايامه وتعدي ,,,

لو أدري العمـــر مشوار تكضي ايامه وتعدي
ولو أدري الوكت دولاب ياخذبينه ويودي
جا ماشمت الشمات بيه ولا خنت ودي
ولاخليت دمعي يسيل تيزاب وحـــركـ خدي

ّّّّّّّّّّّّ
مو انته الكلت أعوفك واخلـــف بوعدي
أشو نص الدرب يفلان وتبريت من عندي
ّّّّّّّّّّّّ
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدكـ ينسى الفكر والضيم من يستغنى لمجدي
ّّّّّّّّّّّّ
بعد وردة شبابي تفوح ماطاحت بمرض معدي
بعد حملي عدل مامال ليش تعوفني لوحدي
تدريني خشب وبنار بفركاك رماد وابدي
ّّّّّّّّّّّّ
كل جرح يألم يطيب بس جرحك جرح يضل يدي
بعد شتريد من عندي شضحيلك بعد شفدي
ولو أدري النهايه بهاي ماجنت بهــــــواك أبدي

» لو ادري العمر مشوار تگضي ايامه وتعدي
» في الكلاسيكو الصغير ... الملكي يستضيف أسبانيول للستمرار في مشوار الصراع ...