**************
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
******************************
لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
*******************************
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
********************************
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
**********************************
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
************************************
تعلمنا المجد محد علمنـــــــــــا
ولا واحد كدر يوصل علمنــــــــــا
يهد جبال لــو رفرف علمنــــــــــا
ثلث نجمات والله واكبر بيه هويه
******************************
زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية
********************************
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
**********************************
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
*************************************
نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟
****************************************
رماد الحب على فراكه ولع نار
وكلبه شما سكن شوكه ولع نار
شلي بأبليس أسبنَ وألعناه
هوان الحب شل الشيطان بيه
*************************************
موضوع: ابوذيات عراقيه ’’’ 
السبت يناير 05, 2013 5:42 am